كـــيكــة الــبــر بالقـــرفــه..عــمــايل إيـديـــا *&*

كيفكم..إن شاء الله بخير..

اليوم جبت لكم كيكة البر بالقرفة من عمايل إيديا..اللي يعافيني و يخلين لي ولا يحرمني مني..<---إخلصي

بصراحة أنا كنت ماأحب هالكيكه بس طحت بحبها بالعرض وصرت أموت عليها..مقيوله ..الحب عذاب<--قديممممممة على جدران المدرسه..

المهم مابطول عليكم..

المقادير..


2/1 1 كأس دقيق بر

2/1 كأس زيت

3 ملاعق كبيره بكنج بودر

2 ملعقه صغيره قرفه مطحونه

1 كأس سكر

2/1 1 كأس جزر مبشور

5 بيضات

فانيليا

قليل من الحليب السائل

الطبقه الثانيه..

علبة قشطه + 4 حبات جبن ويفضل كيري + قليل من السكر حسب الرغبه +
قليل من الحليب السائل لتطريتها لكن ماتكون خفيفه لازم ثقيله..

الطريقه:

تخلط المقادير السائله بخلاط الكيك أو الخلاط الكهربائي ثم تعجن بها المقادير الجافه ونزيد حليب سائل لأنها تكون ثقيله وتصب في صنيه مدهونه بالزيت ولازم تكون حاره والفرن حااار وتخبز..وتحمر من فوق..

بعد ماتبرد و يوضع عليها لوز مبشور وفستق و تصب عليها الخلطه الثانيه وبعدين نشخمط بالهيرشي عليها...

ومطرح مايسري يمري..


للأمانه مقادير الكيكه منقوله من كتاب نخبة الاطباق مع بعض التغيرات في المقادير..

لاتنسوني من ردودكم الحلوه..